Өнім дұрыс жұмыс істемейді

• Қуат кабельдерін және теледидар,сабвуфер немесе күшейткіш сияқты кез келген сыртқы құрылғыларды өнімнен ажыратыңыз, содан кейін оларды қайта жалғаңыз.

Қуат қосылмайды

• Қуат сымы розеткаға дұрыс жалғанған ба?
• Қуат ашасын розеткаға дұрыс қосыңыз.

Дыбысы жоқ

• Дыбыс деңгейі ең төменгі мәнге қойылған ба?
• Дыбыс деңгейін жоғарылату үшін қашықтан басқару пультіндегі Дыбыс деңгейі түймесін басыңыз.
• Егер теледидар тіркемесі, тасымал құрылғы немесе Bluetooth құрылғысы сияқты сыртқы құрылғыны пайдалансаңыз, сыртқы құрылғының дыбыс деңгейін реттеңіз.
• Дыбысты өшіру функциясы іске қосылған ба?
• Барлық жарықдиод қызғылт сары түспен жыпылықтаса, дыбысты өшіру функциясы қосулы болады. Дыбысын шығару үшін Дыбысты өшіру түймесін басыңыз.
• Қосылған сыртқы құрылғыға байланысты өнім функциясы дұрыс таңдалған ба?
• Дұрыс функцияны таңдағаныңызды тексеру үшін Функция түймесін басыңыз.

Сабвуфер дыбыс шығармайды

• Өнім сымсыз сабвуферге дұрыс қосылған ба?
• Сымсыз сабвуфердегі жарықдиод жасыл болып жыпылықтаса немесе қызыл түспен жанса, бұл оның қосылмағанын білдіреді.Егер байланыс орнатылса, жасыл жарық пайда болады. Өнімді сымсыз сабвуферге қайта қосыңыз. (6-беттегі [ “Өнімге қосылу” бөлімін қараңыз.)

Қашықтан басқару пульті дұрыс жұмыс істемейді

• Қашықтан басқару пультін пайдалану кезінде оны өнімнің алдыңғы жағына бағыттаңыз.
• Қашықтан басқару пультін өнімнен 7 м қашықтықта пайдаланыңыз.
• Қажетінше батареяларды жаңасына ауыстырыңыз.

Auto Power (Автоматты қуат) функциясы жұмыс істемейді

• Сыртқы құрылғыларға (мысалы, теледидар тіркемесі, тасымал құрылғы, Bluetooth құрылғысы) қосылуын тексеріңіз.

LG Sound Sync функциясы жұмыс істемейді

• Теледидарыңыз LG Sound Sync функциясын қолдайтынын тексеріңіз.
• Теледидардың өнімге оптикалық кабель арқылы қосылғанын тексеріңіз.
• Функцияның [LG Sound Sync] қосулы екенін тексеру үшін теледидардың қашықтан басқару пультіндегі Параметрлер түймесін басыңыз.

Өнімнің дыбыс деңгейі төмен

• Келесіні тексеріп, параметрлерді сәйкесінше өзгертіңіз.
• LG ThinQ қолданбасын іске қосып, бастапқы экрандағы [Дыбыс параметрлері] түймесін түртіңіз және [Дыбыс шығысы] мәзірінде [DRC] функциясын [Өшірулі] өшірулі күйіне орнатыңыз.
• Өнім теледидарға қосылған кезде теледидардың қашықтан басқару пультіндегі Параметрлер түймесін басып, [Speaker] ([Динамик]) мәзірін таңдап, [Digital Sound Output] ([Сандық дыбыс шығысы]) параметрін [PCM] күйінен [AUTO] ([АВТОМАТТЫ]) немесе [BIRSTREAM] ([БИТТІК АҒЫН]) күйіне өзгертіңіз.
• Өнім DVD ойнатқышы немесе Blu-ray диск ойнатқышы сияқты ойнату құрылғысына қосылған болса, қосылған құрылғының Settings (Параметрлер) мәзіріне өтіңіз. [Digital Sound Output] ([Сандық дыбыс шығысы]) параметрін [PCM] күйінен [PRIMARY PASS-THROUGH] ([БАСТАПҚЫ ӨТУ]) немесе [BITSTREAM] ([БИТТІК АҒЫН]) күйіне өзгертіңіз. Қосылған құрылғының [DRC] функциясын [OFF] ([ӨШІРУЛІ]) күйіне орнатыңыз.
• Өнімнің Night Time (Түнгі уақыт) режимі қосулы болса, Параметр және Сол/Оң жақ түймесін, содан кейін Жоғары/Төмен түймесін басу арқылы өшіріңіз.

Өнім USB сақтау құрылғысын анықтамайды

• Өнім USB сақтау құрылғысының файл пішімін қолдамауы мүмкін. USB сақтау құрылғысын пішімдеп, оны қайта қосыңыз. Пішімдеу кезінде өнім қолдайтын USB сақтау құрылғысының пішімдерін қараңыз және сәйкес файл пішімін таңдаңыз. (45-беттегі [ “USB сақтау құрылғысына қосылу” бөлімін қараңыз.)

Bluetooth құрылғысын жұптастыру мүмкін емес

• Bluetooth құрылғысындағы параметрлер түймесін басып, Bluetooth функциясы қосылғанын тексеріңіз. Егер Bluetooth функциясы қосулы болса, оны өшіріп, қосыңыз, содан кейін әрекетті қайталаңыз.
• Өнім мен Bluetooth құрылғысы арасындағы кез келген кедергіні жойыңыз.
• Bluetooth жұптастыру (байланыс) Bluetooth құрылғысының түріне немесе қоршаған ортаға байланысты дұрыс жұмыс істемеуі мүмкін.

Радиокедергілер бар

• Өнімді және сабвуферді бір-біріне мүмкіндігінше жақын орнатыңыз.
• Өнімді металдан жасалған жиһазға орнатпаңыз.
• Сымсыз байланыс әлсіз сигнал аймақтарында дұрыс жұмыс істемеуі мүмкін.

Bluetooth байланысы ақаулықты немесе шуды тудырады

• Bluetooth функциясын пайдаланғанда шуды естисіз бе, әлде ақаулықтарды байқайсыз ба?
• Денеңіздің кез келген бөлігін Bluetooth құрылғысының қабылдап-таратқышына немесе өнімге жанасуына жол бермеңіз.
• Bluetooth құрылғысын қабырғаға немесе оңаша орынға орнатпаңыз.
• Өнім мен Bluetooth құрылғысы арасындағы кез келген кедергіні жойыңыз.
• Bluetooth құрылғысын өнімнің жанына орнатыңыз.
• Bluetooth құрылғысы өнімнен тым алыс болған кезде, Bluetooth өшірілуі немесе ақаулар пайда болуы мүмкін.
• Bluetooth құрылғысын сымсыз бағдарлауыштар, медициналық жабдық және қысқа толқынды пештер сияқты өніммен бірдей жиілікте қолданылатын құрылғылардан 1 м қашықтықта орнатыңыз.

Қашықтан басқару пульті жұмыс істемейді

• Функция түймеcін бірнеше рет бассаңыз да, функциялар өзгермей ме?
• Тек ақ, қызыл және жасыл жарықдиодтарды қайта-қайта көресіз бе?
• Өнімде демо режимі іске қосылуы мүмкін. Құрылғының қуат кабелін ажыратып, оны қайтадан жалғаңыз.
• Қашықтан басқару пульті жұмыс істемесе, дыбыс деңгейін 0 мәніне орнату үшін өнімдегі Дыбыс деңгейі түймесін басыңыз, содан кейін саундбардағы Функция түймесін 5 секунд басып тұрыңыз. Өнім қалыпты жұмыс істесе, бұл демо режимінің өшірілгенін білдіреді.