Sound Bar Quick Guide

Telekomanda

Ju mund të përdorni telekomandën për të kontrolluar të gjitha funksionet e produktit, nga ndezja dhe fikja e deri tek aktivizimi i tingujve kinematikë.

Zëvendësimi i baterive

Përdorni bateri AA 1.5V. Zëvendësoni të dyja bateritë duke i futur ato në telekomandë në përputhje me udhëzimet e paraqitura.

A Hapni kapakun e dhomëzës së baterive në anën e prapme të telekomandës.
B Fusni bateritë në përputhje me polin pozitiv dhe negativ, që përkon me shenjat në vendin e baterive (“+” dhe “– “).
C Mbyllni kapakun e dhomëzës së baterive.

Rrezik zjarri ose shpërthimi zjarri nëse bateria zëvendësohet me një lloj të pasaktë baterie.

a	Ndezje/fikje Ky buton shërben për ta ndezur dhe fikur pajisjen
b	Volumi i zërit Rregullon volumin e zërit
c	Bluetooth pair Ky opsion ju mundëson të lidhni pajisjen me Bluetooth, p.sh. smartfon, me këtë produkt, për tre minuta. ([ Shihni pjesën “Lidhja nëpërmjet Bluetooth-it” në faqen 38.)
d	Efektet zanore Shtypeni këtë buton për të përzgjedhur fushën e dëshiruar të tingujve. AI SOUND PRO: Inteligjenca artificiale përzgjedh cilësimet optimale zanore që i shkojnë më së miri përmbajtjes suaj. STANDARD: Ju mund të shijoni tinguj të optimizuar. MUSIC: Përjetoni teknologjinë zanore “premium” nga “MERIDIAN”-i. CINEMA: Hapni skedarë me tinguj 3D, si në kinema. CLEAR VOICE: Qartësi e zërit, çka përmirëson cilësinë e tingujve të zërit SPORTS: Tinguj realistë, njëlloj si ata që dëgjohen në stadiume GAME: Tinguj të optimizuar për lojëra BASS BLAST (BASS BLAST+): Përmirëson tingujt e basit.
e	Akordimi i tingullit Ky buton përshtat nivelin e tingujve të altoparlantit të lidhur. Shtypni butonin e “Akordimit të tingullit” dhe më pas butonin “Majtas/djathtas” për të përzgjedhur altoparlantin që dëshironi përpara se të shtypni butonin “Lart/poshtë” për të rritur ose ulur volumin e zërit. Altoparlantët me vlera të modifikueshme dhe gama e modifikimit janë si më poshtë: WF (Nënvuferi): -15 - 6 C (Altoparlanti qendror): -6 - 6 OVC (Altoparlanti i sipërm): -6 - 6 S (Altoparlant (anësor) për tinguj rrethues): -6 - 6 R (Altoparlanti i pasmë): -6 - 6 ROV (Altoparlant i pasmë i sipërm): -6 - 6 RS (Altoparlant (anësor) i pasmë për tinguj rrethues): -6 - 6 TRE (Altoparlanti i përparmë (fortësi zëri)): -5 - 5 BAS (Altoparlanti i përparmë (bas)): -5 - 5 Rregullimi i nivelit të altoparlantëve të pasmë kryhet vetëm kur ata janë të lidhur.
f	Heqja e zërit Ky opsion çaktivizon zërin nga produkti.
g	Funksionet Shtypeni butonin disa herë për të përzgjedhur modalitetin e sinjalit hyrës ose funksionin që dëshironi.
h	Informacioni Shfaq informacione rreth burimit të sinjalit hyrës, rrjetit me valë (Wi-Fi) ose pajisjes me Bluetooth. WI-FI: Emri i aplikacionit të lidhur BT: Emri i pajisjes së lidhur me Bluetooth OPT/ARC/E-ARC/HDMI1/HDMI2: Burimi aktual i tingullit USB: Emri i skedarit aktual të zërit
i	Lart/poshtë/majtas/djathtas Këta butona përdoren edhe për të përshtatur cilësimet e funksioneve sipas dëshirës. Lart/poshtë: Ky buton bën shfletimin nga njëra dosje në tjetrën, në pajisjen e memories USB. Mund ta shtypni këtë buton për të përzgjedhur dosjen që dëshironi. Majtas/djathtas: Nëse vini këngën e mëparshme, shtypni butonin e majtë. Nëse vini këngën e radhës, shtypni butonin e djathtë.
j	Riprodho/pezullo Nëse vini një këngë ose e pezulloni atë, shtypni këtë buton. Kur dëgjoni muzikë që ruhet në një pajisje memorieje USB, mund të përzgjidhni modalitetin e riprodhimit (luajtjes) së muzikës duke e mbajtur shtypur butonin për 3 ose më shumë sekonda, dhe duke shtypur pastaj butonat “Lart/poshtë” për të përzgjedhur, sipas dëshirës, opsionin e përsëritjes. OFF: I hap skedarët sipas renditjes dhe pastaj e përfundon riprodhimin e regjistrimit (leximin e skedarëve të muzikës) ONE: Luan skedarin aktual në mënyrë të përsëritur FOLDER: Luan vetëm skedarët në dosje në mënyrë të përsëritur ALL: Luan të gjithë skedarët në mënyrë të përsëritur SHUFFLE: Luan skedarët në mënyrë të rastësishme derisa të luajë të gjithë skedarët dhe pastaj përfundon riprodhimin e regjistrimit.
k	Cilësimet Këto ju mundësojnë të ndryshoni cilësimet e këtij produkti për funksionet: AUTO POWER, SURROUND, NIGHT TIME, TV REMOTE. Shtypni butonin e “Cilësimeve” dhe përzgjidhni cilësimin duke shtypur butonin “Majtas/djathtas”përpara se të shtypni butonin “Lart/poshtë” për ta aktivizuar/çaktivizuar cilësimin. AUTO POWER: Kur ndizet ose fiket televizori ose pajisja e jashtme, edhe produkti do të ndizet ose fiket automatikisht. Ky opsion mund të përdoret vetëm kur produkti është i lidhur me televizorin nëpërmjet një kablloje optike. ([Shihni pjesën “Përdorimi i funksionit të ndezjes/fikjes automatike” në faqen 28.) Funksioni i tingëllimit rrethues “SURROUND”: Funksioni i tingëllimit rrethues (surround sound) ju mundëson të shijoni tinguj që vijnë nga të gjitha anët. Këta tinguj lëshohen nga kanale të shumëfishta audioje nga altoparlantët, pavarësisht kanaleve ku është regjistruar në fillim përmbajtja. ([Shihni pjesën “Aktivizimi/çaktivizimi i tingëllimit rrethues” në faqen 11.) NIGHT TIME: Ky opsion ul volumin e përgjithshëm të zërit, por rrit volumin e tingujve të lehtë dhe delikatë. Ky opsion është i dobishëm kur dëgjoni muzikë ose kur shihni ndonjë film natën vonë. ([Shihni pjesën “Përdorimi i funksionit të natës (Night Time)” në faqen 29.) TV REMOTE: Ky funksion i rehatshëm ju mundëson të ndryshoni volumin e zërit të produktit duke përdorur telekomandën e televizorit. ([Shihni pjesën “Komandimi i produktit nëpërmjet telekomandës së televizorit” në faqen 27.)

Komandimi i produktit nëpërmjet telekomandës së televizorit

Volumi i zërit i produktit mund të ndryshohet duke përdorur telekomandën e televizorit “LG” dhe të markave të tjera.

Funksionet që mund t’i komandoni nëpërmjet telekomandës së televizorit

Volumi i zërit, aktivizimi/çaktivizimi i zërit (heqja/vënia e zërit)

Markat e përkrahura të televizorëve

LG, Panasonic, Philips, Samsung, Sharp Electronics, Sony, Toshiba, Vizio

Aktivizimi/çaktivizimi i këtij funksioni

a Shtypni butonin e “Cilësimeve”. Produkti hyn në modalitetin e cilësimeve dhe ju do të mund të shihni opsionin “OFF-AUTO POWER” ose “ON-AUTO POWER”.

b Ndërkohë që opsioni “OFF-AUTO POWER” ose “ON-AUTO POWER” shfaqet në ekranin e statusit, shtypni butonin “Majtas/djathtas” për të përzgjedhur cilësimet e telekomandës së televizorit. Mund të shihni statusin e telekomandës së televizorit, “ON-TV REMOTE” ose “OFF-TV REMOTE”.

c Ndërkohë që fjalët “ON-TV REMOTE” ose “OFF-TV REMOTE” shfaqen në ekranin e statusit, shtypni butonin “Lart/poshtë” për ta aktivizuar ose çaktivizuar telekomandën e televizorit.

Shënim

Shtypni butonin e “Cilësimeve” në telekomandën e televizorit për të parë nëse sinjali dalës i audios së televizorit është caktuar të jetë në modalitetin për [External Speaker] (Altoparlant të jashtëm).
Nuk mund ta kontrolloni produktin duke përdorur telekomandën magjike të televizorit “LG”.
Kur aktivizohen funksionet “SIMPLINK” ose “Sound Sync” (sinkronizimi i zërit) të televizorit, ky funksion mund të mos punojë si duhet. Shtypni butonin e “Cilësimeve” në telekomandën e televizorit për ta çaktivizuar këtë opsion.
Ky funksion mund të mos punojë mirë kur njësia dhe televizori janë të lidhur me një kabllo HDMI.

Përdorimi i funksionit të ndezjes/fikjes automatike

Ky funksion ndez ose fik produktin automatikisht kur ndizet ose fiket televizori ose pajisja e jashtme.

Kur ndizet pajisja e lidhur, ndizet automatikisht edhe produkti dhe përzgjedh një funksion sipas sinjalit hyrës.

Aktivizimi/çaktivizimi i funksionit të ndezjes/fikjes automatike

a Shtypni butonin e “Cilësimeve”. Produkti hyn në modalitetin e cilësimeve dhe ju do të mund të shihni opsionin “OFF-AUTO POWER” ose “ON-AUTO POWER”.

b Ndërkohë që fjalët “OFF-AUTO POWER” ose “ON-AUTO POWER” shfaqen në ekranin e statusit, shtypni butonin “Lart/poshtë” për ta aktivizuar ose çaktivizuar funksionin e ndezjes/fikjes automatike.

Përdorimi i funksionit të natës (Night Time)

Ky opsion ul volumin e përgjithshëm të zërit, por rrit volumin e tingujve të lehtë dhe delikatë. Ky opsion është i dobishëm kur dëgjoni muzikë ose kur shihni ndonjë film natën vonë.

Aktivizimi/çaktivizimi i funksionit të natës

a Shtypni butonin e “Cilësimeve”. Produkti hyn në modalitetin e cilësimeve dhe ju do të mund të shihni opsionin “OFF-AUTO POWER” ose “ON-AUTO POWER”.

b Ndërkohë që fjalët “OFF-AUTO POWER” ose “ON-AUTO POWER” shfaqen në ekranin e statusit, shtypni butonin “Majtas/djathtas” për të përzgjedhur cilësimet e funksionit të “natës”. Ju mund të shihni statusin e funksionit të natës, “ON-NIGHT TIME” ose “OFF-NIGHT TIME”.

c Ndërkohë që fjalët “ON-NIGHT TIME” ose “OFF-NIGHT TIME” shfaqen në ekranin e statusit, shtypni butonin “Lart/poshtë” për ta aktivizuar ose çaktivizuar funksionin e natës.

Lidhja me televizorin